مستشار ابليس - بنت الأشراف

حطيتك اغلا من عيوني وأدآريك
يامستشآر ابليس وأشر مِنَّه

جعل ال عما يعمي عيونك ولا اهديك
لانك خبيث الطبع مافيك حنَّه

وجعل المهآلك للمنايا توديك
وتبكي بكا مهزوم يوم اطرحنَّه

وجعل العرب تضحك على كل شي فيك
هذا جزا الانذال يستآهلنه

وتموت خلانك ولا احد(ن) يعزيك
وجعل البلا يكسر عظام(ن) كسنه

وجعل القرود تنططك ثم تآذيك
وتعيشك رعب(ن) ب قلبك تكنه

وجعل الرياح تفزرك ثم تبليك
وتعآيش الآلام سنه ب سنه

وجعل السكون تفت عظمك وتهريك
ياذااابح(ن) قلبي على غير سنه

وجعل الظلام يلووووف فوقك وتحتيك
ياما زفرت ب قربك الفين ونه

وجعلك تموت ولا تموت ب اراضيك
وان مات مايلقى بشر يدفننه

وجعل الجحيم يدثرك ثم ياويك
ويصرررخ وخلق الله مايسمعنه

وتصبح فريسه للضواري تتاويك
والنار لك مثوى ولاااا فيه جنه..

© 2024 - موقع الشعر