منهو يعادي سيف ربي سليله..؟؟
الصنديد سيف(ن) وبتار
منهو يعادي الهامه اللي اصيله..؟؟
هامة حِمى الاهل والدار
منهو تنكر للكرم والفضيله..؟؟
والله له ب ارواحنا جل وإكبار
منهو يعز اخت الرجال الجليله..؟
ما غير , عرفناه مغوار
يمشي على نهج السلف مع دليله
ويقطع يمين اهل البلاوي والاخطار
ياشيخنا عظيم حبك نشيله
من يوم ساقتكم لنا زين الاقدار
ياخادم البيتين بنتك اصيله
بنت العرب نسل الاشراف الاحرار
اللي فدوك بدمهم والقبيله
وداموا على بيعة طويلين الاعمار
جندك جنودك موقدين الفتيله
ابشر تراهم معك لو صار ماصار
متربصين ل مبغضك لاهني له
ماهم لو تحتهم نار(ن) سعار
يرجون منك اشارة(ن) لو قليله
في الحرب لادقت طبوله شعل نار
واللي يلقنهم سلوم(ن) جميله
ذيدانهم والعرق ماناوشه عار
ذولا ولا فيه حيله
جنود ابو متعب فهوده والانصار
مولاي ياعالي عليم الدخيله
احفظ ابونا من خفيات الاقدار

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين