ليه مستغرب

حبيبي ليه مستغرب بعادي عنك هاليومين
يهمك لو أصد عنك أو اني أرتحل واهجرْك

أشوف عيونك تسولف وتسأل عن ودادي وين
أظنك عارف وساكت وكنه موقفي أبهرْك

أنا عانيت في قربك ، وتدري كم صبرت سنين
تحملتك على عيوبك لأني ما أبي أخسرْك

عجزت احيا بأحضانك لأنك يمّ من شطين
بشط تعانق اوهامك وشط(ن) للخطا يجبرْك

حرمت الشوف من حسنك أبي أنساك أسبوعين
ولكن من ورى ظهري عيوني دايم تناظرْك

تخيّل ما قدرت انسى بداية حبنا المسكين
أنا لا جيت ابي أنسى خفوقي بالغصب يذكرْك

تصدِّق من كثر حبك أحس بداخلي قلبين
أحبك موت في واحد وواحد لجل ما أكسرْك