ليتك تدل الدرب واروح وياك - فواز البليبص البذالي

ليتك تدل الدرب وآروح وياك
يم الحبيب اللي خذا من سنيني

اهديته الازهار واهداني اشواك
هو ليه بالله دنيتي تخذليني

كنا معك والحين ماغير ذكراك
يوم القلوب البيض فينا تزيني

مانعرف الا وين روّح متى جاك
كنا نعانق بعضنا بالحنيني

وشلون تنسى واحد ٍ قلبه اعطاك
شالك بعينه قبل شيل اليديني

من بعدها والوقت عن عيني اخفاك
مثل الظلام اللي اشوفه بعيني

وانت الذي ظلمك عن الحق اعماك
لكن مع الايام لازم تجيني

لأني انا ماني مثل اول اظماك
مثل الصحارى بالمطر ترتويني

يمكن مع الدنيا يجي يوم وانساك
ويرد قلبي مثل ما كان فيني

وافكر بخلك الكواكب والافلاك
واقول دنيا ماعطيتك عطيني

ياما الذي قبلي مشى بك وخلاك
قولي لي عنهم وش حصل علميني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر