مستحيل ومحالا - فواز البليبص البذالي

الشعر يقعدني من النوم واسريه
واشرب بحورة مثل شرب الزلالا

مثل الولد ياتيك لامن تناديه
لكنه اكبر من عقول الجهالا

ماكني الا تايه ٍ بالمهاميه
امشي وادور ياعشيري تعالا

في وقت قفت به وجيه المشاريه
متخالص ٍ ما حرموا بالحلالا

حتى العمى يمشي ولا احد ٍ يقديه
والناس تركض خلف دنيا الزوالا

من عاش بين الفقر الناس تنسيه
حتى ولو انه عقيد الرجالا

والوقت هذا استعزت نساويه
متسابقات ٍ للفتن والجمالا

يالله يوم الحشر كل ٍ يبي يجيه
وانا دخيلك يا عظيم الجلالا

منهو كفر بك يدخل النار تشويه
واللي تشهد بك ماتقطع حبالا

منهو لفعلك يقدر احد ٍ يسويه
لاوالله انه مستحيل ومحالا

انت الاله اللي نعبده وندعيه
في كل حال ٍ من جميع الحوالا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر