مستحيل ارجع...!! - خالد بن سكران

لابغيت تروح روح ولاتزايد في عنادك حجّتك هذي قديمة عارفٍ وش هو سندها
لاتحمّلني خطاك ولاتفهّمني مرادك أنتهت قصّة هوانا ونطوت صفحة عددها

كل مافيني نسى حبك ولايبغي ودادك حتى ذكر أسمك يعل الروح ويسمّم جسدها
وأنت لي ذا الحين تحسبني أحبك في أعتقادك

مادريت أني داويت جفون عيني من رمدها
تحسب أني لعبةٍ بيديك يوم القلب رادك

تامر وتنهى على كيفك وحالي في نكدها
لاورب البيت لبيعك وبعلن عن جهادك

والبيوت اللي بنت لأجلك نبي نهدم عمدها
والله أني لأكشف أوراقك وبيّن وش حصادك

وأثبت أني رجل وافي كلمتى لا قلت قدها
بجرحك مليون مرّه لين تبلش في رقادك

وأنت رقدت مزون غدرك يزعجك عالي رعدها
منت كفو أني أحبك والغلا ماظن فادك

أزرع أبذور الغلا لك مير غيري هو حصدها
روح للي حبّته عينك وقلبك فيه قادك

يمكن عيونك ليا شفته تزايد في سعدها
وألا أنا عزّمت أهاجر قلعتك ودفن رمادك

ورحل لدنيا السعادة وحتسي صافي شهدها
بلغي صكوك الغلا بأسمك وختمك وأعتمادك

أنت ماضي راح ولّى عشرتك قلبي جحدها
مستحيل أرجع بعد ماذقت سمّك وسط زادك

وأن رجعك اليوم قول أمي ترى ماني ولدها
ولو تحب الكوع من شاني وترهن لي فؤادك

أنت لي مثل الجنازة حوّلت داخل لحدها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر