ارجع

الهم والحبر وبقايا القصايد
وافكار شابت قبل تعْرف طفوله

وحبّ"ن" يعزّي قبْل لا هو يعايد
يموت قبْل العيد فرقاك حوله

هذي علومي في فراقك : نكايد
تركتني اشْره وصفّق وأوله

قطفتلي من روض حبّك فرايد
مخْترْت غير الشّوك زايد ب طوله

ناظر معاليقي : دخون ووقايد
والليل في وجْهي رخى لي سدوله

دمعي : سيول"ن" في كفوف الوسايد
والفرْح مرمى صعْب انّي انوله

حالي تشابه ويَّ حال الجرايد
يوم"ن" وتُرمى ، تبقَ ذكرى المقوله

يا من جعلت الهجر عندك عوايد
وِلَكْ بفلْم الشوق دور البطولة

ارحم خفوق"ن" ماله ايّّةْ ضمايد
إلّا ايادي تشفي اللي تطوله

إرجع ،،،، ونوّر لي بقايا القصايد
إرجع ورجّع حبِّ حالةْ طفوله