من خوف قلبي

في عز حاجاتي، وضيقي، وهمي
مالي سوى حضرتك بعد الله.. أقول

أجيك أداري.. الدمع في طرف كمي
من خوف قلبي.. لا يحس فيك مذهول

وأقول: أنا ضايق.. وضيقي يزمي
وترد.. (يا محمد) ترى الحين مشغول!!

لو كان فيك إحساس.. وقفت يمّي
من قبل لاشكي.. ما بدى داخلي يجول

بحّات صوتي.. واضحه وسط فمي
ومخارج حروفي.. تلعثم بها القول

ما هي بالحية شغل.. فوّرة دمي
زودٍ على ما هو.. من الغل مغلول

عذرك ردي.. ماني من اللي يذمي
راجع ضميرك.. وسأله شوف شيقول

قول الصراحة.. لو تعل وتسمي
أدري ضميرك حي.. صارحك بالقول

خذها نصيحة.. مني يفداك همي
درب الردى لا تسلكه.. مع ذوي عقول