خوف

إحرث الذكرى وشف كيف المواجع
تشتعل فالبال .. وبليّا كلافه

كيف انام ؟ .. وويني ووين المضاجع
دامك الأبعد بلا أيّة مسافه

منتظرك .. وفيني خوف انّك تراجع
شوفني : وتْعْرف..وش كبر الحسافه

سالفة صمتك .. كذا .. ميلاد فاجع
يغني عن صرخة تعازيه ارتجافه؟

مابقى بي حيل .. مافيني تِشَاجع
حتى خوفي .. من كثر خوفي .. اخافه!

رحت ادوّر عن بلادك .. ف المراجع
مابها لو واحدٍ صّوت غلافه

انتَ وينك .. ماتحس ب هالفواجع ؟
انت ماتدري ب أن صمتك .. لقافه؟

إشعل ضلوعي نهر لو جيت راجع
دامك انت اللي تدفّى .. في .. ضفافه

مشتعل من برد . هذا البعد . هاجع
:بين : نزف.. و ..عِشرة ابيات .. و .. حسافه

يوم ناديتك .. و .. مديت التراجع!!
شفت عاد شلون !! هذا العمر تاافه