أيام ً مضت

الا ياللي من العام الاول وانا بأسألّك
ومن عام لين اليوم ماجا لها طاري

عسى منت من فرقاي غادي نحيف وهلّك
وعسى منت في فية شقى فرقتي ذاري

عسى كرسي السلوان فالصدر هو مدهلّك
تسيجج مدامك لانت بايع ولا شاري

عسى الله يرحم عشرتك - وأيضا ً إيحللّك
كسيتك من أطباعي .. تباهابه العاري

صحيبك على خبرك .. وغيبتكّ ماتمحلّك
ولو تقصر أشبار الوفاء م/أقصر أشباري

غدت شمس صبحي في عيوني ظلام "حلّك
الى جيت أبدله غارت أطيوفك ..! أفكاري

أياواحد ً قد قال لاتهمل .. وما هملّك
ولا بر عهده تو وضح النقا ضاري

تناسى ليالي يوم أداعبه ّ عبر السلّك
أنا أنشد عن أخباره وهو ينشد أخباري

عهود " قطعناها وزاهلني وزاهلّك
عن العاذلين أتشوم وأشوم أنا أجباري

ولو عاذلي فالك لي البندقيه فلّك
وعلى وجهي العبرود شممه بناري

هروج " تناقلها العواذل سواة العلّك
مابين أحمد وناصر وخالد مع مشاري

عليك الخفوق .. يتوق !! وأنهاه لا راسلّك
وهو عاد يحسب بأن حدك مثل جاري

وعليك العيون أغروُرقت شوف : تي ، و تلّك
ولا أقول لك أسف ؟ أحسب أنك أمباري

وهاجوسي أستدرج (بيوت) ونسيت أسألّك
عسى منت ناسيني ؟ وتنشد عن أخباري