يرضيك ؟

يقطعك ياذ الزمن خليتني شاقي
وأنا من الهم فيني مايكفيني

ودعت صبح الفرح - وتردت أخلاقي
وضاقت علي الوسيعه بيني وبيني

ياصاحبي دمع عيني يرفض أعتاقي
أخاف ل/أرمش يطيح الدمع من عيني

يفيض قلبي غلا وأترجم أحداقي
دمعت غلا ماهي أبتعنيك تعنيني

حلوى .. تروح وتخيب هقوة الهاقي
ومره تذوق (...) وصل المحبيني

عليك كل الجوارح غصب تنساقي
ول/أسمك لياجيت أبمسي ماتمسيني

ياناعم الخد - يالمرموق - ي/راقي
واليامتى وأنت توعدني ولاتجيني

لجلك أغني من أشواقي ول/شواقي
ودونك علي الحرام أموت وتحييني

مبطي ولا هب نسناسك على أوراقي
ولامن نشدتك تقول ؟ (أرجوك تعفيني)

ياشعف قلب البدو لاناض براقي
وياجذب قلب الحظر طارفك يازيني

منهال عذقك .. من العزام ل/ساقي
ومتكوبر ً بالحيا و زين و الليني

تعبت من كثر ما حسب لك أوراقي
تجيني لا ماتجيني يمكن أتّجيني

عجل وكل الرومنسيه والاشواقي
تنساق لك بس لوك تتصل فيني

أسهر أناجي غرامك لين ل/شراقي
لو غابت الشمس !! تو ماغابت أبعيني

ياصاحبي دمع عيني يرفض أعتاقي
يرضيك ..؟ في غيبتك دمعي يسليني