منفوحه !!

ياصاحبي لا تفّرح فيني الشامت
شيدّ صروح الوصل !! لاتهدم صروحه ..

دبت رجولي .. مراقي رجمك ورامت
وقصّيت نفسي على غيدآ ، و مملوحه ..

لو العذارى عشاني !! تقعد وقامت
القلب منهي .. وليلي ؟ مسري ً ضوحه ..

(مرورة) البعد في كبدي ترى زامت
و(الصبر) كلمه ترى ماهيب مشروحه ..

لا سيمت ّ النفس بعّدك !! نفسي إنسامت
والشوق كافر وحتت منه (الدوحه) ..

لا واهني (عينك) اللي لإنعْست ؟ نامت
وطير الغلا !! ب/ الفجر مايزعجك نوحه ..

وأنا الى جيت أبدله ! جتني وحامت ؟
روابعي !! فوق راسي (جيه ، و روحه) ..

ماني بدايم !! وإذا غيبتْك لي دامت !!
(مكالمه) منْك .. يبعد عاشقك – شوحه ..

أدق .. وتقول جوالي .. على (الصامت)
والوضع هذا ؟ في قلبي ينقّض جروحه ..

مزعجك ؟ لو قلت لي قد نفسي إنشامت
ماكان عاشقّك جاهد روحه بروحه ..

على علو مرقبك عذالنآآ ؟ حامت
تدري وأنا أدري !! وكل ً مشغل ً روحه ..

وإن كان ودك تفّرح فيني الشامت ؟
غلطتّك هذي ترى ماهيب مسموحه ..

خلك على (الصامت) .. ويفرحني (الصامت)
وشيدّ صروح الوصل ؟ وبهدم صروحه !!