خرص العودي مثل شوف عيونها - سعيد بن فالح المهداني

ياللي تسميني ببو صدر وسيع
سود الليالي ولعة غليونها

أصبحت أدور لي على حل سريع
لعل ولا يختلف مضمونها

ليتك تسندها على الوكر الرفيع
تظهر خفايها ويسلم كونها

إيه استطيع وفيه منهو يسطيع
واعرف عواقبها واشد أمتونها

لكن حقوق الناس مايمكن تضيع
أهل الشيم وأهل الشجاعة دونها

من دونها ناقف كما السد المنيع
أمانة الرجال كيف يخونها

والهقوه اللي شرفت في كل ريع
ذقنا مع الأيام ضيم طعونها

قبل الربيع إن شوف براق الربيع
في غيمة قامت تهل مزونها

شفنا نبات الأرض مات من الصقيع
خرص العوادي مثل شوف عيونها

لاشك ماشري بالرخيص ولاببيع
ارفع مقام النفس مرضى هونها

© 2022 - موقع الشعر