( موضه قديمه )

لـ نوض السعودية، ، بواسطة سماهر، في غير مُحدد

( موضه قديمه ) - نوض السعودية

لاتقول ان الدلع للبنت قيمه
وش يفيد ان كنت باسلوبي خجوله

التهنوص والدلع موضه قديمه
أي بنت اليوم تتقنه بسهوله

البنات اشكال والدنيا سقيمه
فدعه وشينه ومزيونه وهوله

في الطبيعه ماهي ابنتٍ ٍ وسيمه
زينها معدوم من يوم الطفوله

اسمها شيمه وغيرته ل ريمه
ماعليها من الكلام الي نقوله

ودها تطلع مثل طلعة حليمه
لو تلف الكون ماتقدر تطوله

ولاّ انا مانيب بالدنيا حكيمه
لو مشيت الحب في عرضه وطوله

نوض برقٍ ٍ ساطعٍ ٍ في وسط ديمه
بنت بدوٍ ٍ رابيه بين الحموله

لو تكلمت وكتبت بكل غيمه
بشّر الدنيا عن الغيث وهطوله

يامعيشني مع الحب وجحيمه
يامخليني مع الشوق واصوله

دون شوفك عشت بالدنيا اليمه
انت حبك بانيٍ ٍ بالقلب دوله

من غرامك كل وادي قمت اهيمه
واتكلم مع هوى الشوق ورسوله

وأتكلم في مواضيعٍ ٍ عظيمه
وانت خلك في مواضيع الرجوله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر