بدايه قديمه - عصام المرشدي

بدايه قديمه معك مرت بلا مصلوح
بداية غراماً ما قطفنا فوايدها

الا يا غزال الريم لا تنكر المجروح
ترى حال بن عباس زادة نكايدها

بعدكم ضميري بالمعاني ما غير يفوح
اهدي هجوس ٍ بالضماير تكايدها

تراني بحبك مخلص ٍ يا لطيف الروح
لو إن المحبه عذبتني شدايدها

وانا اعرف جميع اللي يجيني كتب بالوح
مقادير لا انقصها ولاني بزايدها

لكن اتمنى والتمني يزيد النوح
الا واهني اللي حصل له يعايدها

هنوف ٍ لها خد ٍ كما برق صيف يلوح
على نابي الرد فين تنقض جعايدها

تهزع بجسم ٍ غض لهل الهوا ذابوح
كما عود موز ٍ تنثني به جرايدها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر