قلوب الناس تملاها مشاعر صادقه وإحساس
وانا قلبي ملآه الدمع يومْه سآل من عيني
على خدي يسيل الدمع يآصل قلبي الحسّاس
الا يا بِعد خدّك ياحبيبي وينك وويني؟!؟
بكيت وعشت في جوّ القهر والظيم والهوجاس
ابولع عبرتي وامسح دموع العين بيديني
سهرت بليلي الحالك وانا بين الشقا والياس
أجر الصوت وآغني على المسحوب وأهجيني
تعبت امن الشقا ياصاحبي وضاقت بي الانفاس
من غيابك تجيني ضيقتي والقلب مشقيني
تجي ذكراك لاهب النسيم وذعذع النسناس
إلا منّي ذكرت أحداث صارت بينك وبيني
أقول اهواك يالغالي واعشقك ياعريب الساس
احبك لا تعذبني طلبتك لا تخليني
عسى ربي يحفظك لي وتسلم لي وعاش الراس
انا مجنونه ابحبك وجمر الشوق يكويني
احبك ايه احبك والغلا عندي بدون اقياس
أهيض اليا سمعتك قلت ياعمري وحشتيني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.