الفصول

لـ نوض السعودية، ، بواسطة سماهر، في غير مُحدد

الفصول - نوض السعودية

كل ما شفت المعاني وقرّبت الحلول
شفت في قلبي حقايق وهمٍ ٍ شايله

وكل ماجات المشاكل تبا حبّك يزول
مالقيت الا المدامع لخدي سايله

كيف بفرح وانت دايم من اطباعي زعول ؟؟
ياموريني نجومك بعز القايله

انت لك عدّت معاني ولك عدّة فصول
كل مافصلك تغيّر جلست احايله

ماعلي إمن الليالي لو العتمه تطول
بنتظر برق المحبه يجي واخايله

صرت لي اقرب من الناس من ذولا وذول
صرت لي اقرب من اسمي وأسم العايله

ايه اشوفك عاقل احيان واحيان امهبول
لكن انت اللي بقلبي خذيت الطايله

انت وينك لاعدمتك ترى جاني ذهول
والمشاكل ياحبيبي تراها زايله

© 2024 - موقع الشعر