الفصول

لـ ، ، بواسطة سماهر، في غير مُحدد

كل ما شفت المعاني وقرّبت الحلول
شفت في قلبي حقايق وهمٍ ٍ شايله
.
وكل ماجات المشاكل تبا حبّك يزول
مالقيت الا المدامع لخدي سايله
.
كيف بفرح وانت دايم من اطباعي زعول ؟؟
ياموريني نجومك بعز القايله
.
انت لك عدّت معاني ولك عدّة فصول
كل مافصلك تغيّر جلست احايله
.
ماعلي إمن الليالي لو العتمه تطول
بنتظر برق المحبه يجي واخايله
.
صرت لي اقرب من الناس من ذولا وذول
صرت لي اقرب من اسمي وأسم العايله
.
ايه اشوفك عاقل احيان واحيان امهبول
لكن انت اللي بقلبي خذيت الطايله
.
انت وينك لاعدمتك ترى جاني ذهول
والمشاكل ياحبيبي تراها زايله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر - بواسطة شركة المبرمجين