سبعة

إن كنت أغض الطرف عن بعض الامور
ماهوب معناته أكون إمغفله

وإن شفتني صديت لاجاني قصور
إعرف ترى باب الوصل بقفله

عشمتني ياصاحبي (سبعة شهور)
واثريك تمهلني وانا متحفله

خليت لي قلبٍ من أطباعك يثور
وأحيان احس اني معك متطفله

واحيان لي قلبٍ على الشده صبور
وأحيان احس إن المفارق شف له

حياتنا ياصاحبي جاها فتور
وأنا على ترتيبها متكفله

إن جيتني يامرحبابك ومعذور
وإن رحت قلبي من الهموم أخف له

وان شفتني صديت عن بعض الأمور
إعرف ترى مانيب مِعك إمغفله