حاله

اتصدق احيان اخافك حيل وآهآبك
واحيان أقول السلامه مِنك مضمونه

واحيان(ن) اتعب ليامن طوّل اغيآبك
واحيان قربك يزيد الهم وطعونه

واحيان اصدّق كلام(ن) قيل يحكابك
واحيان اغض النظر وآقول: لعيونه

واحيان اقول آآآه ليت الحظ ماجابك
واحيان اقول إيييه ذقت الحب وفنونه

واحيان الآحظ كلامك زين واعجابك
واحيان مدري كلامك ويش مضمونه!

(حآله غريبه) .. اعيش الحب واحيابك
درست نوع الهوى حكمه و قانونه

جمعت فيه المشاعر وانقفل بابك
وأرسلت لك قلبي اللي باح مكنونه

صبرت ياصاحبي يامكثر اعتابك
ياليت حظ العرب بالسوق يشرونه

مليت اراجع واعاتب صفحة اكتابك
حتى عيوني بكت له يوم يقرونه

ومليت اهدّي واراعي ثورة اعصابك
وأخاف ل سأل واقول (فلآن) وشلونه؟

واخاف لأهل الحسد بالهرج تغتابك
الوقت قاسي وبعض الناس ملعونه

كافي طلبتك رجاءاً واحسب احسابك
مافيه داعي اعيش العمر مغبونه