من ذكريات الرحيل

أهديت جيد الأماني عقد .. من هم
وقصيدةِ تهدم الشاعر..وتبنيه

ولاجيت اعاقب غرور الجرح بالذم
من يلمس الجمر.. مايجهل مباديه

يامحمد اللي ب/ صدر الحرف ملتم
اقسى من اللي بوجه الناس مبديه

ياصاحبي... صاحبك ياما ...تألم
وياكثر ماماتت بعينه .. مشاريه

شفت انتظاري يبدّد حلمي الجم
وشفت انكساري يبارك له مساعيه !!

ولابيّن الحزن إلا بعض .. ماضم
من ذكريات الرحيل المر .. والتيه

واللي تسامى بنزف الحبر .. ماتم
شفني تشربت موتي .. من معانيه

يضيع فيه الورق .. والدمع .. والدم
ولايحبس الشعر غير انفاس راعيه !!