درب النشاما

لولا شموخ الحر ما طار ووّكرّ
بعلا القمم حيث الشوامخ مقّره

ماهو سواً البوم والحر الاشقرّ
من عزّ نفسه قيل لله درّه

ترى بعض الاشياء تجر الفتى جرّ
بريق عشب الدار مابه مسّره

يزمي سراب اللال من شدّة الحرّ
عزي لمنهو نشف ريقه وغرّه

أخيّر تجرّع صبرك المرّ..وامّرّ
منه العسل لا سار لك به مضّره

دنياك لا تغويك فيها وتغترّ
الوقت هذا بين كتبه وطرّه

ترك الأمور اللي بها شك ما ضّر
جنّب طريق الشك خيره وشرّه

حسّب اخطا رجلك على الدرب واحذّر
بعض العرب يسبق على الحلو مرّه

تدري بالاجرب يوم ياتيك يعتّر
لو جا بدربك جنّبه لا تمرّه

لآجيالنا اللي قد مضت قبلنا ثرّ
والخير في درب النشامى تحرّه

حكّم ضميرك بين الاثنين واختّر
لاهل العلا جرّه .. وللدون جرّه

الطيب ماحدد ابّحرٍ ولا برّ
من جا على دربه من الخلق سرّه

يوم اللقا ما انّصف ضعيفٍ ولا سرّ
اللا مع من جاد كرّه وفرّه

لو كان شفت النّاس ببشوت وغتّر
كم من محارٍ ما لقي فيه درّه

الحلقه ان زرّت ابطان الجمل زرّ
ما استرّ من لا عزوةٍ له تسرّه

الجمره ان ماتت فلا ينّفع الكرّ
مافادها الشبّاب لو زاد كرّه

كم واحدٍ يضحك وهو يضمر الشرّ
عرق الشري ما انّباك لونه بقّرّه

ما كل من يظحك بوجه الفتى برّ
من يصدق الصاحب بالافعال برّه

احذر من النمام والضحك الاصّفرّ
مثل الرماد بداخل العين ذرّه

صلوا على محمد عدد دابي الذرّ
رسول من ثبّت نجوم المجرّه

اللي بدينه نزّل الرسل واشّهرّ
لسلام حببّ له..وللكفر كرّه

اللي لنا حلّى طعم صافي الدرّ
حلوٍ مذاقه من خلافٍ تدرّه

نرجيه لاقصى زيد يرجع محررّ
والقدس ترجع عقب الايّاس حرّه

امين ثم امين واللهُُ اكبرّ
على عدوّ الله مليون مرّه