ادب فاشل

اعرف بعض لوووقات لا سرت مشغول
واعرف بعض لوووقات لا سرت فاضي

دنيا مهي تبقى بحالٍ على طول
كن حن بهااا على قضيّا مقاضي

من جااا يعدل ميلهااا قيل مهبول
لعبة ورق فيهااا المسيطر يغاضي

الزور يقلب حق!! والحق مجهول
والحق ما منه ملاذ وتغاضي

كثر النفاق.. ودار حولٍ بثر حول
ماكن كثر البلبله حكي فاضي

ومن لا توقى في الرماضي بزربول
يحرق سماريّه مسير الرماضي

(وارويبضه) لوقال ما هو بمسؤول
قبل امس ما يسأل وذالحين قاضي

خضت البحر وانا اتحاشا عن الدووول
خوف الهلامي يلحق الساق شاضي

البايع الشاري مع الناس مقبول
بيع وشرا عااادي.. قبول وتراضي

الى اجتمع مرهي وشاعر ومخبول؟؟
خلطة ادب فاشل تثير امتعاضي

تشرى الذمم واتباع بالعرض والطول
والكل ينظرهااا بعينه وراضي

المال خلاّ غير معقووول؟؟ معقوول!!
مااالوم نجم الاغنيّه قام ياضي

ياللاسف.. ما كل منقول مقبوول
ثوبٍ مشجّر جنّب ثوبٍ ابياااااضي

قلته وانا بالفعل برهنت مااا..اقول
وعلى جبااااا الريان تنسف احياضي

وعن ما حصل للشعر ماني بمسؤول
ما دامني مبدي عليه اعتراضي