ان كان ما للرجل في المجتمع شان

مقناصنا غبشه وندعي مسيّان
واندل وانبوج القفور الخوالي

دعيتنا واتراعي افلان وافلان
حنا لنا قدرٍ رفيعٍ وعالي

لو جيتنا في دارنا كان لك بان
الماقف اللي ما وقفه اتكالي

العلم يرخص باخره ياقهيدان
وحن ما نبيه الا اذا كان غالي

ما نتبع الهامش بدون اي عنوان
ولا ننجبر على الصفوف التوالي

يابو هلا ممشاً على غير برهان
ما ينقبل ممشاه لالك ولا لي

وان كان ما للرجل في المجتمع شان
وش ينفعه لو قيل رجلٍ مثالي

حنّا طوينا البعد كله على شان
نلقى فعايلنا على كل حالي

والحر ما يرضى المهونه وحقران
له ما كرٍ بين الرجوم الطوالي

تلقى الشواهق له مقرٍ ومسكان
ولارب كون ال طيّبين الرجالي