دار الفلاحي - محمد ال رشيد

الا ياليت لي ريش وجناحي
وجي للي ميادينه فسيحه

سلام الله على دار الفلاحي
ابوسلطان وقفاته صريحه

ديار(ن) له غرامي وارتياحي
تشد الفكر واتهيض القريحه

ديار اللي ملاقاها صباحي
والى من غابت ايامي كليحه

فتات(ن) رمشها مثل الرماحي
خذت قلبي عسى ربي يبيحه

هي الشهد المصفّى والقراحي
هي الترياق لنفوسن طريحه

بريق الشوق وسط القلب فاحي
عزايه للي دنياته شحيحه

صدى ياللي حرمتيني مراحي
صدى ياللي تواصيفك مليحه

بشوفك تلتئم كامل جراحي
وليلك لنتثر همي يزيحه

عجزت اسلاك والتفكير صاحي
تقول مذيّر(ن) حظّه يصيحه

أنا طير الخلا وانتي فياحي
أنا نار الحطب وانتي فحيحه

أنا الكراّر وانتي لي سلاحي
أنا الجوال وانتي لي شريحه

أنا ودي أجي يمك سياحي
لأن الروح في بعدك جريحه

جمالك شدني والعقل راحي
جمالك فاق دارين ومليحه

© 2024 - موقع الشعر