شيب الفلاحي - بندر بن سرور

بديت ذكر اللي بسط سبع بوتاد
واللي رفع سبع بليا عمدها

والكار للي صار غيث للأجواد
لاقبلها صارت ولا من بعدها

زايد على كل العرب بالوفاء زاد
ساق المراجل لين وقف عددها

حلحيل حلو مر زراع حصاد
كبد يداويها وكبد لهدها

ولي عجوز من ورى شط بغداد
سمت على شيب الفلاحي ولدها

تبغاه يطلع مثل زايد ولا فاد
ماكل من هاز الطويله صعدها

ياشيخ انا جيتك على غير ميعاد
من خوف روحي لايجيها وعدها

© 2024 - موقع الشعر