الصاحب

دنياك بحْر و تصتفق فيه الامواج
ولافيه مخلوق(ن)حياته ضمنها

الله واكبر ثاير الوقت عجعاج
ياصاحبي نفسي وهذا اللي غبنها

الناس مهما كان للناس تحتاج
في حالها في مالها في محنها

ناس تصير ابساعة الضيق مخراج
لا حدته سود الليالي زبنها

وناس مراجلها سواليف وإزعاج
لافايده فيها ولاخير منها

يمدح فعايل نفسك بمدح لجلاج
وش خاسر(ن) يومه رخيص ثمنها

انت اللذي بالطيب للراس تاج
واليا تعكر خاطره نفسك لعنها

وان كنت حاذر خوته ما لها اعلاج
نفسه خبيثه لكن انه دفنها

ان كنت ذيب فالمراجل لها ازلاج
قلبك حديد وباب عينك جفنها