غلطة الصاحب

الحضور حضور من له وقفتن مشهوده
فالامور الكايده ضوّه جهيم وحيه
 
والكفو من يدمح الزله وهي مقصوده
بندقه ما ثوّرت فخباه من ماضيه
 
يرتفع عن غلطة الصاحب وصلب جدوده
وينطح صفوف العدا ويخضب الجنبيه
 
والنوايا الطيبه مادامها موجوده
الردى بابه يسكّر في وجه راعيه
 
لين يعرف وش خطاه ويلتزم بحدوده
وان قنع ولا ليا اقفا جعله الهيفيه
 
ما علينا من مشاريهه ولا منقوده
غير جعل الله يعين اربوعه المبليه
 
للحمول الكايده ما يرتكي بزنوده
وفالرخا ما يقطع الجيه ولو عبريه
 
المراجل كايده ودروبها مسدوده
كون لرجال الوفا والوقفه المسميّه
 
حي رجلً في سنعها باذلٍ مجهوده
لين كوّن في رصيده نخبة ً منقيه
 
نعرف الطيب المجمّل لا حرقنا عوده
ونعرف الطيب الصناعي ريحته عاديه