(نادي السد) - شبيب النعيمي

ياراكب اللي كن سلفه الا نيش
صليل حد السيف لافارق خباه

نيسان واللي صممه قال مابيش
كان الفتك ماروض اللي تحداه

نيسان والنيسان ذخر المطاريش
شكل واداء وكل مابه حمدناه

كن اشتغاله صوت قومن مرابيش
في ساعتن ماعاد فيها امالاه

وهدرت قزوزه تنعش القلب تنعيش
مثل الرعد لارهش بمزنن نثر ماه

وطقم البساتن تحت هيته معاطيش
الامده البخاخ بالنار واعطاه

مثل العديم اللي ينوش المخاريش
فرخ الحرار اللي طروقه مخلاه

ومسجله لاهل الغرام المشاويش
(لا موّل محمد وغنى لنا الله)

ياراكب النيسان وقت المغابيش+معك الرساله كل بيتن بمعناه
وصل تهانينا لزبن المداغيش

الشيخ جوعان اللي المدح يزهاه
شيخن براسه للمراجل شوابيش

كسّاب طولات المراجل بيمناه
جوداه همالن مزونه مراهيش

مسبل الجودات من جود سبلاه
له بالفخر فعلن بعيد المناويش

ماناشه الا كف مثله وشرواه
ويعيش نادي السد ياشيخ وتعيش

مبروك كاس الفوز والشكر لله
اغلى الك}س بدون شكه وتغشيش

من حض نادي السد والكل حياه
هذا(الزعيم) مكوّش اللعب تكويش

لانه زعيم وطاري الفوز خاواه
لو نسأل ونجري بحوث وتفتيش

اكثر ك}}س بخزنة السد مركاه
بالفن والتكتيك مايلعب بطيش

يرسم هجومه حامين شبك مرماه
ممتع جماهير الاستاد المعاطيش

اسمه ضهر فوق القمر من مزاياه
واغلى تحيه تغمر الكون واطيش

للشيخ واعضاء الفريق وحماياه
© 2024 - موقع الشعر