فناجيل حبـك

صحيح عنك بعيد وقاطعك سيره
لكن طيفك وفيٍ مايخليني

لامرني فز قلبي.. يالله الخيره
وياوجد حالي على مابالشراييني

اشتاقلك والزمن كثرة معاذيره
والا الليالي على حالي تواسيني

عقبك حرام (الكويت) تكون لي ديره
في غيبتك مالقيت اللي يسليني

مشتاقلك وانت تدري وش تعابيره
لاقلتها وين ابلقى من يمسيني

عليك فاح بمباهيري دوافيره
انت المعزب .. وانا يالله تحييني

اقلط .. ويلزم عليك الضيف تقديره
ويشرب (فناجيل حبك) يانظر عيني

شوقي على اللي قليل في مساييره
من قبل اجيبه على الموعد يوديني

ياحرفي اللي عجزت القى تفاسيره
كن القوافي على طيفك توصيني

لاجيت ابكتب قصيده.. ياملا الطيره
دلّت حروفي على دربك توديني

انساك وارجع على الموال واديره
هو انت والا خيالك؟ من يحاكيني؟

لاصرت عنك بعيد وقاطعك سيره
امنع خيالك وقله .. وش يبي فيني؟؟