خوة عريبين السلايل والانساب - محمد العثمان

خوة عريبين السلايل والانساب
زحول الرجال مزبنين الجلاوي

سقم العدو وقد المصايب والانشاب
عون الضعيف ومخلفين الهقاوي

كرام اللحى ما للردى عندهم باب
بيض الوجيه ومحرقين القهاوي

اهل الشهامه والمرو والاشناب
اللي تحاذف عقلهم بالعزاوي

فزعات قومٍ لاقحم الناب بالناب
تنطحبهم عسر النكد والبلاوي

هذا اللذي بالقلب ماحوله حجاب
خوة شرف ماهي بمصالح نخاوي

ان كانهم بادنين والا بالاجناب
ننقى الرفيق اللي على الطيب ناوي

شرواك ياللي عندك الخط باكتاب
من واهجٍ بين المعاليق طاوي

يكتب على ماطاب ويسوق ماطاب
يعشق سلوم البدوم ماهو بغاوي

© 2024 - موقع الشعر