خوة بيضان الوجيه

اصغ يانايف لهرجٍ منتقيه
في معاني كنها ذوب الشهد
 
لا نخاوي غير بيضان الوجيه
فالزمن بيقون لك ذخر وسند
 
احتزم بالطيب اللي تلتقيه
في الموافق مثل حرٍفالهدد
 
اشتره دايم بغالي وافتديه
لاتفرط فيه وابشر بالسعد
 
وكل خايب لايجيك ولاتجيه
القراده وش تجيب الا القدر
 
كل واحد من جليسه يا نبيه
من نزل في وادي لعده ورد
 
ومجلس ما تلتقي تقدير فيه
لا تمر ولا تعنى له ابد
 
قالوا ان الهون ما احد يرتضيه
عز نفسك دايم والها تجد
 
وان جلست بمجلس خلك نزيه
عن سفاسيف السواليف ابتعد
 
لا تجادل جاهل والا سفيه
ما يفرق بينك وبينه احد
 
قالوالمجدور من جاه ايعديه
والجهل يقلون يعدم له بلد
 
وكلمة الجاهل تبي ترجع عليه
مير لا تارد مواريد النقد
 
الله ان ما اهداه ما حد بيّهديّه
لا تكثر معه في بني وهدد
 
لازم يسوي على العالم وجيه
وان مافي ذا البلد مثله ولد