ماعادلك شي في قلبي وفي ذاتي
لاتنشدن ويش باقي ماتناسيته

حذفت ذكرى سنينك من كتاباتي
مافيه شيٍ معك بالقلب خليته

من عقب ماأنت كبيرٍ في طموحاتي
(يطيح حرفك) ولا شلته وضميته

هديت عرش المحبه في مساحاتي
وركون بيت الغلا بيديك هزيته

يا اول غرامٍ كتبته في بداياتي
واخر غرامٍ مع الايام خطيته

انهيتها والغلا بالقلب ماباتي
شيلته اللي مع الخفاق وجليته

حبٍ زرعته ونبته من مهماتي
مسكت عرقه من اطرافه وتليته

واطعونك اللي تحسبه مستكناتي !
ابشرك مرها برفقاك حليته

خلاص ماعاد تظهر في معاناتي
كل اللذي لك بوسط القلب شليته

لكن ابي منك تذكر كل مافاتي
واتقولها للذي خنتن وحبيته

مافيه قلبٍ يساوي معك نبضاتي
واني انا حي وانفاسي معك ميته

ارحل وانا شامخٍ ما اهتزلك ذاتي
دفنت حبٍ من افعالك تناسيته


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر