شييييله .. وحـطـَّه

خلف انا حالي من الهم قاضي
ضعنا يا خلف بين شيله وحطّه

ضعنا يا خلف بين حاضر وماضي
قالوا: قطارك طايفٍ المحطّه

اشكي عليك الحال يوم انك قاضي
دبّر لي الحاله على كل خِطّه

خلف من واقع ما هو بافْتراضي
غروٍ غريرٍ غر حالي وشَطّه

خلف انا كني من العقل فاضي
من عِقْب ما لوّح لِثامه وقطّه

خشفٍ غريرٍ ويتمايل رياضي
من سبته جوارحي مستشطّه

يا خشف قلبي جاه حال انْتفاضي
غط اللثام ارجوك .. يا زين غطّه

قلبي عقب شوفك بْحال إنقباضي
ارفق على المسكين .. لا .. لا .. تبطّه

القلب هاوي .. والعقل باعتراضي
خطي شمال ورحت انا صوب خَطّه

لا والله اللي حاضي القلب حاضي
ولا والله إلا القلب جاء من يفطّه

خلف ما دام القلب بالحب راضي
يصبر على ما جاه ... من زود شِطّه