الوقت الأقشــر..!

الوقت حملني بما لا أستطيعه
وزود علي الحمل يبغي أطيعه

ماطعت وقتي .! لين خارت عزومي
وظربات وقتي تقتفيني سريعه

وياوقت لاتشمت إذا طحت منك
أنته مع العالم وقفتوا جميعه

أنته مع العاذل وخلي معاكم
ندّبت في ظهري جروح(ن) شنيعه

ولا أنت ياللي كنت مابين ل /ضلوع
وضلوع صدري لك حصون(ن) منيعه

معاد يشفعلك عذر لو تعذّر
ذبحت زهر العمر بأول ربيعه

فيك الخيانه طبع يابو طبايع
طبيعت(ن)ياشينها من طبيعه

لو إن وقتي واقف(ن) لي لحاله
ماطيح .!(بس أنتوا وقفتوا جميعه)