دمعي حقيقي - حنان آل فاضل

يسألوني وينها بسمة شفاتي
قلت ماتت مابقى غير الشفاه

دمعتين ٍ فوق خدي من شقاتي
دربها محفور بطعون ٍ حفاه

وصوتي المخنوق في آخر لهاتي
ضامي ٍ ريقه يعذبني ضماه

ياعرب وان كان تسترني عباتي
من لقى للجرح في صدري عباه

ناس ٍ تسمي عليه في ثباتي
وناس ٍ تمد النصيحه بالحصاه

صكوا ابواب الأمل سدوا جهاتي
ضيعوا باقيه في وجه الحياه

مادروا اني لحالي في خلاتي
اسجد ودمعي حقيقي في الصلاه

كيف لويدرون عن باقي حياتي
والله ان يقوم للفزعه جباه

والصبر في حد ذاته هوْ ذاتي
تفرج الكربه وتلحقها النجاه

وان فضح دمعي كثير ٍ من صفاتي
قلت مدري آه يا ضيم الخزاه

ايه بكذب لجل ماافقدها رحاتي
يوم كل ٍ بالغنى ضيّع رحاه

الوفا والطيب والرفعه سماتي
وعيبي اني مااستمع لأهل الوشاه

ومن شرق بالصوت يوم أدرك وفاتي
قلت له مسموح من بين الرفاه

© 2024 - موقع الشعر