مــــــشـــــاعـــــر صــــادقـــــــــه - محمد الحمراني

كل القصايد ماتحقق مرامه
إللي غلاه بداخلي مستحله

جتني مراسيله وجاني سلامه
ياطارشي بلغ سلامي وقله

قله ترى شاعرك كثر اهتمامه
مشغول باله والحزن مستقله

يعانق غيابك ويشكي هيامه
ومن التعب بانت ثمانين عله

يساهر الليل الطويل وظلامه
والحال ما من حال من ما حصله

يكتب مع التفكير قصة غرامه
من شان ما ينسى تواصيف خله

إللي مع الخفرات ما حدن مقامه
حسين عود وجامع الزين كله

يكفي دلاله ورقته وحترامه
ويكفي الدلع لبا الدلع ماتمله

شفت الأمل في ضحكته وبتسامه
وملامحه تبقى مع وصف دله

غرنوقة ٍ تقضي على كل هامه
من شافها عقله غدا فيه خله

بين العذارى نظرته للزعامه
تاج الجمال إللي هواء القلب تله

روحي وفكري كلها بستلامه
والقلب سوره والوفاء منزل له

كل القصايد ماتحقق مرامه
إللي غلاه بداخلي مستحله

© 2024 - موقع الشعر