يا جدتي

قلت ياجده ابتعطر شذاك
واستمع هرجك إذا زاد العنا

كم جلست الليل يا جده معاك
وكم تغنيتي قصايد لي أنا

إنت أم امي وقالت:ثم اباك
قلت صح انتِ فلا عنّك غنا

إنت ِ نور البيت يانجمة سماك
إنت قلبٍ حاويٍ كل الهنا

إنتِ عطف وحب إنتِ يا ملاك
إنت لمسه بالغلا ترأف بنا

كم جلست بحضنك اتلمس دفاك
واكتسب من عطفك الحاني سنا

يا عسى ربي من الكوثر سقاك
ومن نواك بشر في دار الفنا

بالغلا يا جدتي أشري رضاك
وبالفخر أهدي لك ابيات الثنا