"ما تنهدم دار أساس الدين بانيها"

رسمتك يا وطن صوره ما بين الروح والأنفاس
نقشتك لوحه بصدري قصيده وبي معانيها

رجيت الله سبحانه يحفظك من شرور الناس
فديتك يا وطن روحي اكررها واثنِّيها

كتبتك بالوفا معنى ولا له بالوزن مقياس
قصايد صاغها شعري الحنها واغنيها

نعم يا موطني الغالي بيومك نحتفل اعراس
احبك يا وطن كلمه المعاني ما توفيها

حروفي لك تطاوعني غلا وتزيِّن القرطاس
لاجل تعبير يرسم لك ولوحاتك تحليها

وابو متعب هوْ الفارس تمكن واعتلى النبراس
نبايعه الوفا منا نهني المملكه فيها

وابو خالد ولي العهد ابو الخيرات والإحساس
باياديه الوفا مركب وخيرٍ في مراسيها

عسى الله لا يفرقهم يحيط ديارهم حرّاس
وبااسمه يحفظ بلادي من اشباحٍ تعاديها

بلادي ومن يعاديها يهان وبالقدم ينداس
ولا له في بلاد الخير مرسى في موانيها

وما دامت عقيدتنا ومنهجنا على اقوى ساس
ابد ما تنهدم دارٍ اساس الدين بانيها