وين الصبر - يحيا الخالد

حيرتني ليه الجفا والتغلي
ليه القساوه باينه فيك يازين

كل المشاعر والأماني تهلي
وين العيون اللي اشوفك بها وين

ارجوك لاتقسى علي بالتسلي
حرام تجرحني وانا بين نارين

وين الصبر كانه ابد ماحصل لي
تبكي عيوني لجل حبك من البين

قلي كلام الحب ياشوق قلي
وارحم دموع الشوق ياسيّد الزين

إرجع حبيبي يابعد كل من لي
صارت همومي في جبيني عناوين

انت حبيبي وانت قلبي وخلي
وانت حياة الروح وانت منى العين

داوي الجروح اللي لها القلب ملي
وإرجع لقلبٍ مات يرجي له سنين

© 2024 - موقع الشعر