الصبر ياهل الصبر ماخاب راعيه - حسن عامر

يامرحبا بالقاف واللى مسويه
شاعر مثل صقرن بوكره نداوي

القاف زان وقلت لازم اجاريه
لوكان ماني للقصايد هواوي

قافٍ يحوز الطيب من طيب راعيه
وشعرٍ بلا معنى يسمى حكاوي

يطربني البيت الدفينه معانيه
لاحافه اللى ما يحب الدناوي

يامن شكى جوع الفراق وطواريه
كم واحدٍ قبلك مدى العمر طاوي

على الوفاء ماهي بصحبةمشاريه
الذيب ذيبٍ ما يخاويه واوي

لوكل همٍّ داخل القلب نبديه
صرنا حكاوي بين ناقل وراوي

من طبعنا سرّ الموده نخبيّه
لوبات يكوي داخل القلب كاوي

ياكم صبرنا والصبر كم نقاسيه
نقول علّ الوقت يرحم وياوي

والصبر ياهل الصبرماخاب راعيه
وأيامنا لا بد فيها ملاوي

والقاف كمل ومابقى غير ننهيه
ونعطره بالطيب عنبر وجاوي

واللى يقول الحق نتبع فتاويه
ونبعد من اصحاب الخنا والمساوي

حسن عامرآل عيسى

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر