عاضه بن عقيل البقمي
يا الله انا طالبك غفران زلاتي ‍

ياللي هزمت أبرهه والفيل وأحزابه
منك المعونه وابا اسجل عباراتي

‍ يا واحد ما وقف حاسد على بابه
أفكار نواف جابن الخفياتي ‍

والقلب منها كثر همه وهندابه
برسل لنواف تفكيري وكلماتي

‍ وكلامه اللي سمعته نحسب حسابه
شيخ عتيبي وياقف في المهمات

‍ يوم دار فكره جاب إنا الخبر جابه
صدفه لقيته وهاذي من مناياتي ‍

والمعرفه ضلع فاز اللي بيرقابه
في بيت هايف لقينا أهل الشهاماتي

الكيف يدرج وجاء للكيف شرابه ‍
العرف نور العرب في كل الأوقاتي ‍

وإن وفق الله لبان الهدف صابه
أفكار نواف فالدنيا عظيماتي ‍

والسيف شده على أهل الخبث بنصابه
نويت أجاريه وأجهد في مجاراتي

‍ والقاف بصارعه وأطوع اصعابه
حبال نواف يردن الطويلاتي ‍

وليا بغى الماء يمد حبال جذابه
ما يارد إلا العدود اللي روياتي

لو يارد رماح يشرب منه ما هابه
وأنا حبالي تجي من قيس هقواتي

‍ فقير لله رجايه واتلوابه
والعلم للي رفع سبع السماواتي ‍

والعولمة فاسده واعمال كذابه
فكرة هل الغرب جتنا بالمطماتي ‍

جت بالبناطيل والجاهل رمى اسلابه
راع التواليت يزبر كنه زناتي ‍

أظافرة طايله ويسحب ثيابه
ومن اختلف مذهبه ما أبكيه لو ماتي

‍ ويا جعل ربي يشيل الخبل بترابه
حكامنا إلهم ولانا والتحياتي ‍

ومن فضلهم بسرح الراعي بمشعابه
العود له شون ويزود حسناتي

‍ والورع يدرس معه مصحف ويقرابه
يا جب على المومن صيام وصلواتي

‍ ومن يشكر الله يجيه اللي يتمناه
في الاخره ينوجد نار وجناتي ‍

وكل على ما كتبله ياجد كتابه
أنا مقصر وأبا أنصح سامع وصاتي

‍ وأحب من طال دقنه وأقصر أشنابه
المؤمن يخوفه بث وقنواتي ‍

واللي يخفي ذنوبه ربي ادرابه
الناس شبعوا وجاء فيبهم تشتاتي ‍

وبعض من الناس جاء شره على اقرابه
علومهم مابين حساد وشماتي ‍

دكتور الأعصاب فيهم ضاعت أطبابه
نواف فكر وقال العلم بثباتي ‍

مشبب عزوته للحرب شبابه
وربعي بقوم لهم سمعه وطالاتي

‍ والجد مرزوق بين ما يحلابه
وكل القبايل لهم في الطيب قلطاتي

‍ وفي كل ديره يصير نمور وذيابه
والطيب في القلب من يوم الولدياتي

ما جلب في السوق بين ايدين جلابه ‍
والمعذرة كان جاء زله وغلطاتي ‍

يا حر ياللي يصيد الصيد مخلابه
وصلاة ربي عد وبل الرفياتي ‍

على رسول دخل جبريل محرابه
نواف بن عبدالعزيز بن رازن

يا مبدع الكون قيوم السماواتي
ابداء بذكرك وذكرك دوم يبدابه

وارفع كفوف الضراعه مع مناجاتي
وألوذ بحمى كريم الوجه والجابه

عسى لنا حظ ساعة بعث الامواتي
إليا من كل عرض لرب واحسابه

والله يحقق جميع أهداف غاياتي
وانه يجنبني المحظور واسبابه

يا خالق الكون اجب صوتي ودعواتي
لك ابتهل بالدعاء الماثور وادابه

ومن بعد ذكر الولي نظمت الابياتي
هاضت هجوس القصيد ودار دولابه

قامت تلاطم بصدري موجها عاتي
وسفينتي ف البحور الهوج عبابه

جتني بيوتٍ مثل صرف الجنيهاتي
جواهرٍ من سمعها نالت اعجابه

وفزيت للخط وازدادت مسراتي
يا مرحبا بالكتاب وحي من جابه

جابه طويل الذراع وطيب الذاتي
ابوه من شان طيبه جود انسابه

هادي عزومه على الطاله قوياتي
سيف ينومس نهار الكون مضرابه

وجهزت فالحال ما يدني المسافات
جيبت مطور ويشرح صدر ركابه

فكسارٍ أبيض وتصدير الاماراتي
من مصنعه كامل الميزات تلقابه

قم شغله يا بدر رجل المهماتي
يامحلا بالفيفافي سطعت اسطابه

والحر شرواك تكفيه الاشاراتي
ولاهوب يحتاج إله علمٍ يوصابه

أقطع به اديار وفجوجٍ الوسيعاتي
وسره على النجم يوم النجم يسرابه

وصل سلامي جميع اهل المرواتي
عاضه وهايف وابن جهجاه واصحابه

ربع لهم في مقر الطيب وقفاتي
خطلان الايمان للامجاد كسابه

سلام مثل العسل في در خلفاتي
في خايعٍ من قدوم الوسم ترعابه

واثنه على راعي العوص الجزيلاتي
اللي تسمع صدى صوتي وغنابه

شيخ بوجهه من الطاعه علاماتي
وعند المهمات يبدابه ويعدابه

عدد حصا كشب واجبال السرواتي
وعدد نباتن نبت في نجد واهضابه

للشاعر اللي مناهيجه شريفاتي
أبو عقيل معزة من تعزوابه

من لابة جالهم في نجد صولاتي
يوم ان بين القبايل حرب ومجابه

تشهد لهم بالوفاء كل اللفياتي
يا نعم سمو البقوم وحي من لابه

في حاضر الوقت وعصور قديماتي
رجالهم فالوغى كنه ملك غابه

ستر العذارا العفيفات النقياتي
ليار صار للهيج فوق الروس ضبضابه

واليوم عصرالرخا ننعم ابخيراتي
أمن ورخاء في ذرا الحكام عشنابه

في حكمهم عاش ولد الذيب والشاتي
تمر قدمه وفيها ماسطى نابه

الشرع قايم ولاتوجد نزاعاتي
ولاغير شرع الولي شرعٍ رضينابه

اخوان ماعاد أبه حرب وعصباتي
ولت عصور الجهل والفقر وركابه

والعولمه جات تصدير الخواجاتي
حربٍ على الدين والاخلاق تسعى به

حنا قبايل لنا شيمه وعاداتي
ونفوسنا للعلا والمجد طلابه

ماننخدع لليهود أهل الضلالاتي
عشنا على منهج الاسلام وكتابه

تمت وصلوا عدد نجم المجراتي
على رسول نشر دينه وصابه


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر