نواف بن عبدالعزيز بن رازن
آه من هاجسٍ بين الضلوع يغلي
بين هجس الضماير والضلوع اصتدام
اكتم الغيظ ما ودي يبين ازعلي
في رجا عفو من يحيي هشيم العظام
والهواجيس خلت ضامري يصطلي
ثايرٍ ثورت البركان يقذف احمام
رافقتك السلامة بالسفر يا علي
كل ما رحت ولا جيت يا صقر يام
في رحلكم واقامتكم بحفظ الولي
لو تغيبون عنا ترجعون ابسلام
وكان عود رحلكم همنا ينجلي
بعد كنا نجاوب نايحات الحمام
الغريب إن زبنا عن بلاده سلي
في حما الله وجيرتنا حشاما يضام
الوفا للصداقة من عوايد هلي
للرجال والوفيه والربوع الحشام
وكان هي شبت الهيجا لها جلجلي
عوق عين الخصيم إليا زما بالحسام
انشد مطير مع شمر وحرب وبلي
ويش سوت عتيبه في العصور القدام
اعتقد ما حدٍ في فعلنا يجهلي
فعلنا مالكن من نجد من صدر وسنام
