آآآآآه من جوى الضلوع - حاتم منصور

آخ من جوى الضلوع أجرها لأزهار
و آه من عين ٍ معاها الدمع همالي

راحت اللي داخل بقلبي لها مقدار
راحت اللي شوفها يجدد لي آمالي

راحت اللي دونها مات الحلا بالدار
راحت اللي دونها . . . يا ويلها حالي

يا دوى جرحي واحلامي والاستقرار
يا هناي . . اللي اسولف به مع عيالي

راحت اللي شعبها في داخلي : ثوار
راحت اللي طيبها هو مضرب امثالي

راحت . . و يآ علها في جنة ٍ و انهار
راحت اللي بغيرها ما ينشغل : بالي

والله لو غاروا جميع البيض يا ازهار
لك المحبه داخل بقلبي و انا التالي

© 2023 - موقع الشعر