يا عيون اللي عن القناص زاعي - نواف عبدالعزيز بن رازن

نواف بن عبدالعزيز بن رازن
يا عيون اللي عن القناص زاعي

اشقر وافي مخاليبه عطيبه
اثقل الساعات لحظات الوداعي

الموادع يالحبيب أكبر مصيبه
لا تواخذني بدمعي واندفاعي

الهوى غلاب والفرقا صعيبه
ولا تقول إن الغلا ماله دواعي

قلبي ادري كيف يختار الحبيبه
صاحبي لامن مطير ولا سباعي

من حمايلنا هل النخوه عتيبه
إن كتب ربي لنا معه اجتماعي

طابت الدنيا وعدينا الجذيبه
وكان ماقدر دموعي والتياعي

احفروا قبري وحطوا له نصيبه
من سطتي فيه بعيونن وساعي

عزتي للي سهم عينك يصيبه
© 2022 - موقع الشعر