بيّحت سدي وانا اللي ماتبيح سدوده
وصرت مغرم يامحمد من بعد شوفتها

صادفتني يامحمد لابسه (( برموده ))
واشهد انه يامحمد لايق بحظرتها

لامشت تسلب عقول العالم المقروده
ولايلام اللي تولع في دلع مشيتها

خطوة ٍ تقصر وخطوه كأنها ممدوده
وأبك انا والله بلايه ياولد خطوتها

دايم بوصفي أوصّل سكة ٍ مسدوده
مير هذي ماتوقف ياولد سكتها

الشعر سبيب صفرا ً للزز مقيوده
والحواجب آه واويلاه يارسمتها

صفت رموشه سيوف ٍ ياولد محدوده
تنتصر بالمعركة لامن بها سلتها

الغنج بعيونها يذبح ويذبح زوده
والموت الاحمر عينها لازوّدت نظرتها

النحل لامن بغى يجني رحيق وروده
يجني رحيقه يامحمد من طرف شفتها

هو بلاي اصلا ً من اللي لابسه (( برموده ))
ولابلتني واذبحتني كود في مشيتها

ياعساني فدوة ٍ له وفدوة ٍ لجدوده
الا والله ياعساني فدوه (إل)ديرتها


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر