الضغط والسكر

تدري وش اللي يجيب الضغط والسكر
واللي يسبب زعلنا يابعد حالي

لاصرت دايم علي ّ أدّق وتسكر
خالي رصيدك وانا مفصول جوالي

دايم مزاجي ماهو مضبوط ومعكر
كله سبايبك يالمحبوب يالغالي

يروح ليلي وانا سهران وافكر
الله حسيبي على منهو شغل بالي

في داخل البيت دون الباب ومسكر
خوف الشماته تجي من صوب عذالي

يابو شفايا طعمها كنه السكر
أموت وإليا ذكرتك بالخلا الخالي

من كثر منت بعليّ إدق وتسكر
ورطتني فالسداد وفصل جوالي