انتقام الكبرياء - نايف بن جهز المحينيش

ايه اكرهك واكره هواك وحنينه
وكرهك بعد بوّرثه نجل (نجلي)

ياللي جعلتي القلب يكره سنينه
بذوّقك هاليوم من طعم (فجلي)

بذوّقك طعم القهر والغبينه
وأقرّب أجلك يوم قرّبت (أجلي)

هل تذكرين الحب هل تذكرينه
يومك تقولي ليه ضحيت (لأجلي)

واقول لو عمري عشانك تبينه
جيتك اسوقه سوق يابنت (عجلي)

كنت احسب احبال التواصل متينه
ومرات أجي جرأه ومرات (خجلي)

وكنت احسب انك بالمشاعر ذهينه
وكنت احسب انك فاهمه بعض (وجلي)

وكانك تبين العلم كانك تبينه
متريّث ٍ بالعلم مانيب (عجلي)

تدرين مقدارك بهاليوم وينه؟
تحت القدم وانتي معه تحت ( ؟؟؟ )

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر