عديت راس الرجم مع فكـة الريـق - ناصر الرياحي

عديت راس الرجم مع فكة الريق
وهاضت شجوني يوم شفت الحزومي

عقب المطر محلا جزيل الطواريق
وفي ديرتي دايم تزين العلومي

هذي تربه ماهيب ديرة مطافيق
ديرة هل النخوه عيال البقومي

جاها المطر واحيا جميع الرقاريق
وراحة فياض خضر بامر الرحومي

وديانها سالت وشعبانها تليق
للتمشيه والبسط وقت اللزومي

وقامت تغازلها عيون العشاشيق
ومن دونها ربعي سباعٍ قرومي

حامينها فأيم وقت التصافيق
ربعٍ على العليا تشد العزومي

تاريخنا واضح ولافيه تلفيق
يامجمعين الهرج جمع الهدومي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر