امس الضحى عديت في راس مرقاب - سعود مدلم بني بجاد
امس الضحى عديت في راس مرقابذبيت راس الرجم ما ارغب سهلهاراس الجبل مزبن من الذيب والدابكب المراغه خاسر من نزلهاالرجم تزبن به قرانيس وعقابوالبوم يقعد في مواطي سهلهارجم بديته ينعرف عند الاجنابضلع السراه اللي تعرفون اهلهاعديت في راسه ثلاثين هندابوعيني على الفرقا تزايد هللهاعلى رفيق بالمواجيب ما خابكم حجة بعد المياله عدلهايوم السنين الشهب ما غلق البابهيف الكبوش اللي كبار سبلهاعز الله انه ستر منقوش الاسلابوان كبرت الدعوى محمد جملهاعبيدي من صلب عربين الانسابكل المراجل حطها واكتملهاهم ايش لو يدري بنو اخ الاجناب؟؟!!يا ويش من نفس بيكثر عذلهاورجعت من دار القحاطين منصاببعد الرفيق النفس جاها هزلهاوسرحت ما لمضه وقيلت هرجابعند النواعس مكرمة من وصلهاوانا على عملية تصرخ النابمن ساس هجين ناسبين فحلهاسقوى لياما وخرت دار الاجنابقدهي تباري في رقايق سهلهاونصيت بيت ذعار مرفوع الاطنابوريحت نفسي يوم قفا زملهاربع الفويه اللي لهم صيت وحسابوفعلوهم ما فيه شخص جهلهاوبعد الغدا نحرتها ريع الاشعابدار البجادي وابن مدلم سللهاوبعد الوصول لدار ربعي والاحبابوصيت فالح بالشجاعة واهلهايا فالح اسمع جارك الله الاسبابمثايل عدلتها عن ميلهاصاحب قطيب السد وحباله قطابالارماث يا فالح تقطع باهلهاانص الجبل لا صار برد وهبابيذريك لا هبت هبايب نفلهاواحذر يغرونك كثيرين الاصحاباهل الرخا تنساك لاجا وحلهاومن جالس الرديان فصل له ثيابوتصبح به التهمه وهو ما فعلهاوبنت الردي لو تنقش الكف بخضابترى ولدها مرجعه صوب اهلهايجي ولدها في لقا القوم مرعابوتصبح على نفسك تكثر عذلهادور لبنت اللي على ربعه حجابوان كبرت القاله عليهم نقلهايجي ولدها لا نوى الدرب ما هابواما بني عمه يداري زعلهالا كثرت الاصوات للقوم حرابيطلق حجاجك من علوم فعلهاولا تصير لشعلة الشر جذابواليا جفتك الدار دور بدلهاهذه وصاتي فيك والظن ما خابيا شوف من رمش النواظر كحلهاوصلاة ربي عد ما سجل كتابعلى نبي للرسالة حملها
عناوين مشابه
© 2026 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.