امس العصر عديت في راس مزموم

لـ سعد بن شليه، ، في غير مُحدد، آخر تحديث

امس العصر عديت في راس مزموم - سعد بن شليه

امس العصر عديت في راس مزموم
ضلعٍ على كل الجبال متعلي

رقيت به وبديتبه كل مقسوم
ابديت به مافي ضميري يحلي

وقتٍ تغير واخلف القوم للقوم
ولاعاد تلقابه اصحيبٍٍ يهلي

تغيرت به الناس وزادو الشوم
من يوم جا وقت المظاهر وحلي

ومنولٍ تلقا الوفا كومن وكوم
وذالحين ماتلقا الوفا ربع ملي

انشهد اني منه ضايق ومهموم
وعرفت ان الوقت كله تسالي

عرفت ان العمر يجرى ومحسوم
وان الزمن لو طال شمسن وضلي

دنياً لقينا شرها كثرة الوم
كم فرقت مابين خلن وخلي

ولا قول كل الناس بها شرن وشوم
لكن هذا اللى ضهرلى متجلي

© 2024 - موقع الشعر